कोणीच कोणाचे नसते.

कोणीच कोणाचे नसते. हे वाक्य आपण नेहमी ऐकतो . याचा अर्था काय ? म्हणजे आपण असा समज करतो . ."आपण आहे कोणा साठी " या मुळे आपल्याला काही वेळे साठी समाधान मिळत असेल का ? विचार केला तर सगळेच एकटे असतात . काही माणसा साठी लिहिण्यास शब्द कमी पडतील अशी माणसे असतात . आपले नशीब असते जेव्हा ती आपली असतात . कोणत्या गोष्टीची किमत ती दूर गेल्यावर कळते . आपल्या आयुष्यात असेच होते ना . अनेकदा काही गोष्टी आपल्या जवळ असतात .तेव्हा त्याची किमत नसते . खोट्या अहंकारा मुळे आपली अनेक नाती अशीच दूर जातात . मग आपण आपल्या चुका शोधण्या पेक्षा "कोणीच कोणाचे नसते" असे बोलून आपले समाधान करतो . कधी कधी कोणी पण नको असे आपल्याला वाटते . एकटे राहावे .स्वताच स्वतला शोधावे . असा वेळी आपल्यालाही समजते .आपण देखील कोणाचे असतो का ?