माझ्या नावा बद्दल

कोणाची नावे किती छान असतात ना.त्यात खूप अर्थ असतो .
नाव हि अशी गोष्ट आहे जी आपण ठेऊ शकत नाही ,
मग कोणाला आपले नाव अजिबात आवडत नाही .
तर कोणाला प्रचंड अभिमान असतो नावाचा .
नावत काय आहे ??
असे किती म्हटले तरी शेवटी नावच सगळे काही असते ना ,
ज्यामुळे आपली या जगात ओळख असते .
माझे नाव आशा मला खूप आवडते .जे मला आईवडिलांनी
नाही तर माझ्या पेक्षा मोठ्या भावाने दिले आहे आणि ते पण
शाळेत नाव घालयला गेल्यावर ,
वडिलांनी मला त्याच्या बरोबर शाळेत पाठवले .
रस्त्याने जाताने रेडीओ वर एकले "अब सुनिये आशा
भोसले जी का एक गाना"
गाणे काय होते माहित माहित नाही .
आम्ही शाळेत गेलो बाईनी विचारले नाव काय ?
भाऊ पटकन बोलला हिचे नाव आशा आहे ,फक्त आशा पुढे बाई नका
टाकू .{कारण तेव्हा मुलीच्या नाव मागे बाई टाकत असत माझ्या अनेक
मैत्रिणीचे नावा मागे बाई लावले होते }
मला तर काहीच समजत नव्हते माझे नाव आशा कधी झाले .
कारण घरून जातानि मला असे काही माहित नव्हते .
घरी येतानी भावाने मला सांगितले आता लक्षात ठेव
तुझे नाव आशा आहे .
आयुष्यात कधी निराश न होणारी अशी आशा ,
आज पण मला माझे तेव्हा १० वर्षाच्या भावाने दिलेले नाव खूप आवडते .
आज मला एक फ्रेंड नि एक कविता पाठवली आणि शाळेचा तो पहिला दिवस
आणि माझे नाव कसे मिळाले ते आठवले .

एक फेसबुक वरील छोट्या फ्रेंड ने मला एक छान कविता पाठवली आहे .
धन्यवाद फ्रेंड

होते मनाची निरशा ,जेव्हा अबोल असते आशा.!!
सुप्त असतो भाव मनातला बोलवेसे वाटतानाही !!
स्तब्ध असते मन ,पुन्हा आठवताना !!
कारण मावळलेल्या दिसतात दिशा .!!
जेव्हा अबोल असते आशा ,तेव्हा मनाची होते निरशा !!
बोलातानी दिलेला विस्वास,अनेकदा आठवून जातो !!
कारण समजवतानाच दाखवून गेली जीवनाची दिशा !!
म्हणून आज खूप आठवते आशा ,
पण होते मनाची निरशा ,जेव्हा अबोल असते आशा.!!
१९/१/२०१५